| Cysylltwch â ni:
|
Avril Chambers,
Swyddog Datblygu Gofal Plant
Ffon: 01267 246552
|
|
Datblygu’r Ddarpariaeth Gofal Plant i ddiwallu anghenion rhieni/gofalwyr ledled Sir Gaerfyrddin ...
Mae’r ddarpariaeth gofal plant yn Sir Gaerfyrddin wedi cael ei datblygu dros nifer o flynyddoedd (yn unol â gweledigaeth Llywodraeth y Cynulliad a chaiff ei darparu’n uniongyrchol trwy economi cymysg; y sectorau preifat, gwirfoddol a statudol). Mae ein darpariaeth bresennol o Ofal Plant cofrestredig gydag AGGCC fel y mae o 31ain Rhagfyr 2008 ymlaen, yn cynnwys y canlynol:
86 o Warchodwyr Plant (447 o leoedd Gofal Plant cofrestredig)
30 o Feithrinfeydd Dydd (1077 o leoedd Gofal Plant cofrestredig)
63 o ddarparwyr Gofal Sesiynol (1181 o leoedd Gofal Plant cofrestredig)
51 o Glybiau Tu Allan i’r Ysgol (1545 o leoedd cofrestredig – clybiau ar ôl ysgol, clybiau gwyliau a chynlluniau chwarae)
Yn unol â Strategaeth Gofal Plant Llywodraeth Cynulliad Cymru a'r dyletswyddau statudol newydd o dan adran 22 o Ddeddf Gofal Plant 2006, bydd Partneriaeth Plant Sir Gaerfyrddin yn parhau i ddatblygu'r ddarpariaeth gofal plant yn y sir ac yn gweithio at ddarparu 'Digon o Ofal Plant' drwy gynnig:-
- Cymorth ariannol a chyfarwyddyd i 4 prif gorff gofal plant (Cymdeithas Genedlaethol Gwarchod Plant (NCMA), Mudiad Ysgolion Meithrin (MYM), Cymdeithas Cylchoedd Chwarae Cyn-ysgol Cymru (WPPA) a Chlybiau Plant Cymru Kids Club (CPCKC) er mwyn cynnal y ddarpariaeth gofal plant ledled y Sir a'i datblygu ymhellach yn unol â chanfyddiadau ac argymhellion Asesiad Digonolrwydd Gofal Plant Sir Gaerfyrddin.
- Hyfforddiant â chymhorthdal i staff sy’n gweithio mewn lleoliadau gofal plant cofrestredig;
- Gwybodaeth i rieni/gofalwyr am y ddarpariaeth gofal plant gofrestredig yn y sir trwy’r Gwasanaeth Gwybodaeth i Deuluoedd.
- Ymgysylltu â meithrinfeydd dydd preifat drwy ymweld â hwy'n gyson a thrwy gyfarfodydd rhwydwaith.
- Grantiau Cychwynnol i Leoedd newydd sy'n cynnig Gofal Plant.
- Grantiau cynnal i bob lle sy'n darparu Gofal Plant cofrestredig sy'n cynnig Gofal drwy'r Dydd, Gofal Sesiynol, Gofal y Tu Allan i Oriau'r Ysgol/Gofal yn ystod y Gwyliau, a gwasanaeth Gwarchod Plant.
- Grantiau ar gyfer Gwasanaethau i Blant dan 8 oed er mwyn helpu i sefydlu, ehangu neu ddatblygu clwb/darpariaeth gofal plant a gynigir gan wirfoddolwyr ac sy'n ddi-elw e.e. grwpiau i rieni a phlant bach.
I gael rhagor o wybodaeth am unrhyw un o'r materion uchod,
cysylltwch ag Avril Chambers, Swyddog Datblygu Gofal Plant,
drwy ffonio 01267 246552.
|
