Dechrau’n Deg Sir Gaerfyrddin

Dechrau’n Deg yw cynllun newydd Llywodraeth Cynulliad Cymru sydd â’r nod o ddarparu gwasanaethau cymorth dwys i blant 0-3 oed a’u teuluoedd. Mae’r rhaglen yn canolbwyntio ar hybu sgiliau ieithyddol, gwybyddol, cymdeithasol ac emosiynol, datblygiad corfforol ac adnabod anghenion arbennig yn gynnar. Cyflawnir hyn oll drwy roi pedwar maes neu linyn gwasanaeth ar waith: gofal plant di-dâl, o safon mewn canolfannau ar gyfer plant 2-3 blwydd oed; rhagor o gymorth gan Ymwelwyr Iechyd; rhaglenni rhianta yn y cartref ac mewn grwpiau; rhaglenni Sgiliau Sylfaenol gan gynnwys: ymestyn y cynllun Llyfrau i Fabanod a chynlluniau Chwarae ac Iaith.

Mae’r rhaglen, sy’n un i Gymru gyfan, yn cael ei datblygu ar hyn o bryd ym mhob awdurdod lleol yng Nghymru ac mae’n targedu’r ardaloedd mwyaf difreintiedig. Yn Sir Gaerfyrddin rydym wedi clustnodi'r wyth dalgylch canlynol fydd yn derbyn gwasanaethau Dechrau'n Deg: y Betws, Bigyn, Carwe, y Morfa, Felin-foel, Llwynhendy, Lakefield/Copperworks, Parc Waun Dew (Caerfyrddin).

Mae hon yn rhaglen a gaiff ei monitro a'i rhagnodi'n ofalus iawn gan y Cynulliad a bydd yn dilyn cerrig milltir datblygu y plant sy'n derbyn y gwasanaethau dwys. Partneriaeth Plant Sir Gaerfyrddin, ar ran Cyngor Sir Caerfyrddin, sy'n arwain y ffordd o ran rhoi rhaglen Dechrau'n Deg ar waith.

Bydd Ymwelwyr Iechyd Dechrau'n Deg yn gweithio yn rhan o dîm aml-ddisgyblaeth yn swyddfa Dechrau’n Deg, Uned 7, Llanelli Industrial Park, Llangennech. Rhoddir rhaglen Dechrau'n Deg ar waith yn raddol ochr yn ochr â'r broses recriwtio. Mae aelodau allweddol o'r tîm wedi cael eu recriwtio ac wedi dechrau ar eu gwaith, sef:

• Nia McIntosh, Cydlynydd Dechrau'n Deg
• Liz Wilson, Arweinydd Tîm Ymwelwyr Iechyd Dechrau'n Deg
• Sian Lewis, Athrawes Cydlynydd y Blynyddoedd Cynnar
• Helen Patient, Swyddog Sgiliau Sylfaenol
• Helena Burke, Swyddog Magu Pant
• Alex Eynon, Swyddog Magu Plant
• Paola Perkins, Swyddog Perfformiad a Monitro
• Emyr Davies, Swyddog Cyllid/Gweinyddol
• Laura Davies, Swyddog Gweinyddol
• Amanda Thomas, Ymwelwr Iechyd
• Meg Davies, Ymwelwr Iechyd
• Julie Cudd, Ymwelwr Iechyd
• Caroline Jenkins, Ymwelwr Iechyd
• Georgina Abbley, Ymwelwr Iechyd
• Karen Thomas, Ymwelwr Iechyd
• Gwyneth Davies, Ymwelwr Iechyd
• Helen Davies, Bydwraig
• Clare Price, Therapydd Iaith a Lleferydd
• Elonwy Williams, Swyddog Cynnal
• Nicola Jenkins, Swyddog Cynnal
• Emma Kearney, Swyddog Cynnal

Rhif ffôn: 01554 821589; Ffacs: 01554 821674

Llinyn 1 - Gofal Plant

Hon yw'r elfen fwyaf o wasanaeth Dechrau'n Deg a'i nod yw darparu llefydd gofal plant rhan amser ac am ddim am 12.5 awr yr wythnos i blant 2 a 3 blwydd oed (am ddwy awr a hanner y dydd, o'r tymor yn dilyn eu hail ben blwydd i'r tymor pryd y byddant yn cael eu trydydd pen blwydd), am 42 o wythnosau'r flwyddyn gyda rhywfaint o ddarpariaeth ychwanegol o dan amgylchiadau eithriadol. Yn yr ardaloedd a bennwyd, cynigir gofal plant i bob teulu yn ddiwahân ac ni fydd y ddarpariaeth yn ddibynnol ar incwm nac asesiad o angen (defnyddir codau post i bennu pwy sy'n cael gwasanaeth).

Mae Dechrau'n Deg wedi comisiynu gofal plant gan amrywiaeth o ddarparwyr preifat a gwirfoddol. Creu 237 o lefydd newydd gofal plant yn rhan o raglen Dechrau'n Deg erbyn diwedd Mawrth 2008 yw'r nod. Comisiynwyd gofal plant gan y darparwyr canlynol yn y dalgylchoedd isod:

• Bigyn – Canolfan Deulu Sant Paul a Meithrinfa Ddydd Myrtle House
• Y Betws – Cylch Meithrin y Felin, Ysgol Betws
• Carwe – Cylch Meithrin Carwe, yr Ysgol Gynradd
• Felinfoel – Cylch Meithrin, y Ganolfan Addysg Gymunedol
• Y Morfa - Cylch Chwarae Jellitots (CYCA), Ysgol Iau y Morfa
• Canolfan Blant Integredig Llwynhendy
• Lakefield/Copperworks – Meithrinfa Teddy Bears CYCA
• Parc Waun Dew – Canolfan Deulu Argel, Canolfannau Teulu Ty Ni a Ty Hapus

Llinyn 2 - Gwasanaethau Ymwelwyr Iechyd

Mae'r Ymwelwyr Iechyd yn rhan ganolog o raglen Dechrau'n Deg a phennwyd eu baich gwaith gan Lywodraeth Cynulliad Cymru sef 1 Ymwelydd Iechyd i 110 o deuluoedd. Yn Sir Gaerfyrddin, bydd y tîm hwn o 8 o ymarferwyr profiadol yn darparu'r Rhaglen Iechyd Plant i bawb ynghyd â rhaglenni asesu a hybu iechyd ychwanegol ar gyfer babanod, plant, rhieni a'r gymuned. Hefyd, bydd ymwelwyr iechyd yn cael yr hyfforddiant canlynol:

• Graddfa Asesu Ymddygiad Babanod Newydd Anedig (NBAS)
• Dull Solihull
• Rhaglen Rianta Webster Stratton - Incredible Years

Rhif ffôn: 01554 820916; Ffacs: 01554 820774

Bydd Bydwraig - yn canolbwyntio ar addysg, eiriolaeth, sgiliau magu plant a gwasanaethau cynnal yn enwedig ar gyfer mamau yn eu harddegau a rhieni ifainc. Fe fydd yn cynnig cyngor hefyd ynghylch dulliau atal cenhedlu, iechyd rhywiol ac yn cydweithio'n agos â'r timau Bydwreigaeth cyffredinol er mwyn sicrhau y gellir cysylltu â chleientiaid sy'n agored i niwed ac yn anodd eu cyrraedd. Therapi Iaith a Lleferydd - mae manylion penodol y swydd hon yn cael eu datblygu.

Llinyn 3 - Rhaglenni Rhianta

Darperir amrywiaeth o raglenni rhianta yn Sir Gaerfyrddin gan ddarparwyr lleol sydd eisoes yn gweithio yn y sir fel NCH, cynlluniau mentora Cychwyn Cadarn, y Canolfannau Teulu ac, yn rhannol, drwy gyfrwng cymorth 1:1 gan Ymwelwyr Iechyd Dechrau'n Deg, fel Delio ag Ymddygiad Plant, rhaglenni Incredible Years Webster Stratton a rhaglenni lleol fel Cam wrth Gam.

Llinyn 4 - Rhaglenni Sgiliau Sylfaenol

Mae'r llinyn hwn yn hyrwyddo'r tair elfen ganlynol: Chwarae ac Iaith (LAP), Chwarae a Rhifau (NAP) a'r Cynllun 'Llyfrau i Fabanod'. Daw rhieni i'r sesiynau hyn gyda'u plant i ddysgu sut i ymwneud â'u plant, chwarae â nhw ac ysgogi eu datblygiad trwy ddefnyddio geiriau, cymalau, caneuon a rhigymau.

© 2008