Genesis Sir Gâr

	Tîm Genesis
	Jo-Anne Gravell-Davies	Cydlynydd Genesis Dros Dro, Rhif ffôn: 01554 821589
	Liz Reeves-Davies	Ymgynghorydd Genesis, Rhif ffôn 07919 592672
	Fleur John	Swyddog Gweinyddol/Cyllid Genesis, Rhif ffôn: 01554 821589
	Cymorth i Unigolion Meithrinfa Symudol Darparwyr Gofal Plant Y Meini Prawf Cymhwyso sydd gan Genesis Sir Gâr

Cymorth i Unigolion

Mae Genesis Sir Gâr yn rhan o brosiect cenedlaethol Genesis Cymru sy'n gweithio gydag oedolion i'w helpu i edrych ar obeithion a dyheadau yr oeddent wedi eu hen anghofio a darparu cyfarwyddyd a chymorth i'w helpu i wireddu eu gobeithion a dyfodol mwy disglair.

Dileu'r rhwystrau y mae oedolion, ac yn enwedig rhieni yn eu hwynebu wrth ddychwelyd i waith neu hyfforddiant yw nod y prosiect.

Y canlynol yw amcanion allweddol y prosiect:

• Gwella gweithgarwch economaidd unigolion
• Cyfrannu i'r agenda dysgu gydol oes
• Torri'r cylch o dlodi ac anfantais

Mae Genesis yn cynnig cymorth gan ymgynghorydd a fydd yn gweithio gyda'r unigolyn i greu pecyn o gymorth sy'n iawn iddo ef/hi. Gall hyn gynnwys cynorthwyo'r unigolyn yn y ffyrdd canlynol:

• Meithrin ei hyder a’i hunan-barch drwy:
  • Annog yr unigolyn i gymryd rhan mewn gweithgareddau cymunedol a dysgu anffurfiol
• Dod o hyd i'r cwrs hyfforddi iawn, un ffurfiol neu anffurfiol
• Gwella ei sgiliau cyn cyflogi, yn enwedig:
  • llanw ffurflenni cais
  • sgiliau yn ymwneud â chyfweliadau
• Rhoi cymorth ariannol i ddileu rhwystrau, gan gynnwys:
  • Gofal Plant
  • Trafnidiaeth
  • Ffioedd Cyrsiau

Yn ogystal, gall Ymgynghorydd Gwaith Genesis gael £250 o arian ychwanegol oddi wrth y Ganolfan Waith.

Yn bennaf, mae Genesis Sir Gâr yn gweithio gyda rhieni i'w cynorthwyo i oresgyn y rhwystrau sy'n eu hwynebu pan fyddant yn dymuno dysgu sgiliau newydd neu ddychwelyd i'r gwaith. Gall gofal plant fod yn rhwystr mawr iawn i famau. Yn aml, gall fod yn ddrud a gall fod yn anodd cael hyd iddo. Drwy weithio'n glòs gyda rhieni, y mwyafrif ohonynt yn famau, mae Genesis Sir Gâr yn cynnig cymorth ariannol ac arall i'w galluogi i gael mynediad at gyrsiau a chyfleoedd gwaith.

Meithrinfa Symudol

Ar y cyd, mae Genesis a Chymdeithas Ieuenctid a Phlant Sir Gaerfyrddin yn cynnig gwasanaeth Meithrinfa Symudol sy'n gweithredu o gylch y sir. Yn bennaf, defnyddir y feithrinfa symudol yn gymorth i gyrsiau hyfforddi a gynhelir gan gyrff/prosiectau cymunedol.

Mae'r canlynol ymhlith y cyrff/prosiectau hyn:

• Rhwydwaith Dysgu Sir Gâr
• Clubiau Plant Cymru Kids' Clubs (CPCKC)
• Tîm Teulu a Chymuned (FACT)
• Menter Bro Dinefwr
• Menter Cwm Gwendraeth
• Plant Dewi
• Tîm Mentora gan raglen Cychwyn Cadarn
• Twf
• Canolfannau Teulu Ty Ni a Ty Hapus

Mae tîm y feithrinfa symudol yn darparu cyfleusterau meithrinfa am hyd at 2 awr y sesiwn mewn ystafell yn agos i'r man lle cynhelir yr hyfforddiant. Mae hyn yn galluogi rhieni, nifer ohonynt yn rhai nad ydynt wedi gadael eu plentyn gyda gwasanaeth gofal plant o'r blaen, i fod yn dawel eu meddwl o wybod nad yw eu plentyn yn bell i ffwrdd. Mae hefyd yn goresgyn dau rwystr i ddysgu, sef gofal plant a thrafnidiaeth.

Mae gwasanaeth y feithrinfa symudol yn darparu gofal plant a hwnnw’n gymwysedig, dwyieithog a hyblyg, mewn amryw fathau ar leoedd ac mewn ardaloedd gwahanol ledled y sir i'r rheiny sy'n manteisio ar gyfleoedd hyfforddi.




Darparwyr gofal plant

Nod y prosiect yw dileu'r rhwystrau y mae oedolion ac yn enwedig rhieni, yn eu hwynebu pan fyddant yn dychwelyd i'r gwaith neu i hyfforddiant. Mae argaeledd gofal plant a chael mynediad ato yn aml yn rhwystr mawr. Felly, mae Genesis Sir Gâr yn ymrwymo i weithio i ofalu bod gofal plant ar gael i'r rheiny y mae ei angen arnynt. Mae Genesis yn ceisio gwneud hyn drwy

• Hyrwyddo gyrfa mewn Gofal Plant drwy wneud y canlynol
  • cynorthwyo'r rheiny sydd dan hyfforddiant ym maes gofal plant
  • cynnal cyflwyniad ‘Up 2 You’ i gyrsiau gofal plant gan gynorthwyo unigolion i benderfynu ar eu llwybr gyrfa. Cynhelir y cwrs nesaf ar 8fed a 15fed Ionawr yng Nghanolfan Blant Llwynhendy
  • Cynorthwyo darparwyr newydd drwy ddarparu grantiau bach ar gyfer offer sy'n hanfodol ar gyfer bod ar gofrestr Arolygiaeth Gofal a Gwasanaethau Cymdeithasol Cymru.

Cymorth Gofal Plant gan Genesis Cymru
Y Meini Prawf Cymhwyso

Bydd Genesis yn cyllido gofal plant ar y cyfraddau canlynol, os na fydd unrhyw ffynhonnell gyllido arall ar gael ac os bydd digon o gyllid ar gael.

Mae'n rhaid i bob ymgeisydd fod dros 16 oed ac yn byw yn Sir Gaerfyrddin.

• Gall y rheiny sy'n cychwyn ar hyfforddiant newydd ac sydd o aelwyd lle mae'r incwm ar y cyd yn llai na £25,000 fod â hawl i gael hyd at £135 yr wythnos o gymorth amser llawn (y plentyn) tuag at gostau gofal plant cofrestredig.
• Yn ogystal, gall y rheiny sy'n cychwyn mewn swydd newydd ac sydd o aelwyd lle disgwylir i'r incwm ar y cyd fod yn llai na £25,000 ac NAD YDYNT â hawl i gael cymorth Gofal Plant y Credyd Treth i Deuluoedd sy'n Gweithio, fod â hawl i gael y costau gofal plant uchod
• Dan amgylchiadau arbennig yn unig y gall y rheiny sy'n cychwyn ar hyfforddiant/mewn swydd ac sydd o aelwyd lle mae'r incwm ar y cyd yn fwy na £25,000 fod â hawl i gael cyfraniad tuag at gostau gofal plant.
• NI fydd cymorth gan Genesis ar gael i’r rheiny sy'n cychwyn ar hyfforddiant ac sydd â hawl i gael Dyfarniadau Gofal Plant Addysg Uwch/Addysg Bellach gan y coleg neu'r Awdurdod Addysg Lleol
• NI fydd cymorth gan Genesis ar gael i’r rheiny sy'n cael dyfarniad gofal plant dan y cynllun Credyd Treth i Deuluoedd sy'n Gweithio. (Fodd bynnag, dan amgylchiadau arbennig, gellir cymeradwyo talu ffioedd gofal plant ymlaen llaw, os disgwylir i daliadau Credyd Treth i Deuluoedd sy'n Gweithio gael eu derbyn – a bydd yn rhaid ad-dalu'r rhain i brosiect Genesis.)
• Ni fydd cymorth gan Genesis ar gael ar gyfer unrhyw elfen o gost gofal plant sy'n fwy na £135 yr wythnos, yn amser llawn, y plentyn.

Sylwer:

NI fydd Genesis yn cyllido'r rheiny sy'n defnyddio gofalwyr plant sydd heb gael eu cofrestru na mannau lle cynigir gofal plant nad ydynt wedi cael eu cofrestru. Fodd bynnag, gellir ystyried talu gweithwyr meithrinfa symudol sy'n darparu gofal sesiynol, o lai na 2 awr, mewn mannau sydd heb gael eu cofrestru. Mae'r panel asesu'n cadw'r hawl i ymdrin ag achosion unigol fel y gwêl yn dda.

I gael rhagor o wybodaeth am gymorth gan brosiect Genesis yn eich ardal chi, ac i gael gwybod am y meini prawf cymhwyso, cysylltwch â:

Jo-Anne Gravell-Davies drwy ffonio 01554 775126 ext. 208, neu drwy anfon e-bost at:
jgravell-davies@sirgar.gov.uk

© 2008