|
| Cartref | Y Bartneriaeth
|
Ein Gwasanaethau
|
Cefnogaeth
|
English |
|
Hyfforddiant 
Mae'r Bartneriaeth Plant yn trefnu a chydlynu hyfforddiant i ddiwallu anghenion hyfforddi darparwyr Gofal Plant cofrestredig yn Sir Gaerfyrddin. Mae'r Bartneriaeth yn darparu hyfforddiant cymorthdaledig i gynorthwyo gweithwyr gofal plant i fodloni'r safonau a bennwyd gan AGGCC, h.y. o ran cwblhau cyrsiau gorfodol megis hyfforddiant Cymorth Cyntaf neu Hylendid Bwyd Sylfaenol. Mae'r hyfforddiant hefyd o gymorth i ddatblygiad personol gweithwyr gofal plant. Ar ôl peilot llwyddiannus o Gwrs Amddiffyn Plant ar-lein, mae'r cwrs hwn yn awr ar gael i bob gweithiwr gofal plant, ac ar hyn o bryd yn rhad ac am ddim. Er mwyn gofalu bod y cyrsiau'n berthnasol ac yn diwallu anghenion gweithwyr gofal plant, cwblheir Dadansoddiad o Anghenion Hyfforddi a Ffurflenni Gwerthuso, ac mae cyswllt cyson hefyd â gweithwyr gofal plant. Rydym yn croesawu adborth gan sefydliadau, os ydynt yn teimlo nad yw eu hanghenion gofal plant yn cael eu hateb, fel y gallwn deilwra eu cyrsiau i ddiwallu eu hanghenion penodol. Mae'r Bartneriaeth Plant wedi ymroi i weithio mewn partneriaeth â chyrff sy'n ymwneud â hyfforddiant a gofal plant yn y sir h.y. Mudiad Meithrin, Cymdeithas Cylchoedd Chwarae Cyn-ysgol Cymru, Cymdeithas Genedlaethol Gwarchod Plant, yr Awdurdod Addysg Lleol, Clybiau Plant Cymru/Kids Club (CPC/KC), Coleg Sir Gâr a Prifysgol Y Drindod Dewi Sant ac ati. Cred y Bartneriaeth y bydd plant a theuluoedd yn y cymunedau ar eu hennill os cynigir addysg a gofal o safon i blant ac os hyrwyddir staff sydd wedi eu hyfforddi'n dda. Cliciwch ar y ddolen gyswllt hyfforddiant i lawrlwytho'r 'Rhaglen Hyfforddi Dymhorol' bresennol. I gael rhagor o wybodaeth am hyfforddiant yn Sir Gaerfyrddin, cysylltwch â: Kay Davies Swyddog Hyfforddiant Y Bartneriaeth Plant Adeilad 2 Parc Dewi Sant Heol Ffynnon Job Caerfyrddin, SA31 3HB Ffôn: 01267 246560 KaDavies@sirgar.gov.uk |
